बलात्कार राज्यविरुद्धको अपराध हो : सुशीला कार्की

७ फागुन, काठमाडौं । पूर्वप्रधानन्यायाधीश सुशीला कार्कीले बलात्कार राज्यविरुद्धको अपराध भएको बताएकी छिन् । राज्यविरुद्धको अपरापलाई लुकाउने छिपाउने पैसा लेनदेन कार्य हुनु अत्यन्तै दुखद् भएको उनको भनाइ छ ।

सोमबार ‘मानव अधिकार वर्ष पुस्तक २०१८’ को विमोचन गर्दै उनले भनिन्, ‘पहिलो कुरा त राज्य सही हुनुपर्‍यो । राज्य दह्रो भयो भने ५० प्रतिशत समस्या आफैं हल भएर जान्छ ।’ राज्य आर्दश भए मानव अधिकारको क्षेत्रमा देखिएको समस्या आफैं समाधान भएर जाने उनको भनाइ थियो । अर्को प्रसङ्गमा उनले देउवा सरकारको कार्यशैली प्रति पनि टिप्पणी गर्दै साधुलाई लखेट्ने र चोरलाई चौतारो दिने व्यवहार भएको बताइन् । ‘बलात्कारजस्ता घटना हुन नदिन प्रहरी प्रशासनले विशेष निगरानी राख्नुपर्छ’, उनले भनिन् ।